Hefðarkona í hestamennsku.

 

Þann 18. maí sl. heiðraði Hestamannafélagið Fákur vinkonu mína, Ingu Valfríði Einarsdóttur, sem betur er þekkt undir nafninu Snúlla, fyrir frumkvöðlastarf í þágu hestamennsku kvenna á Íslandi. Snúlla er ekkja Sigurðar Ólafssonar hestamanns og söngvara. Þau hjón bjuggu lengst af í Laugarnesinu og voru þekkt af sínum hvítu fákum; þeirra þekktastur var Gletta sem lengi vel átti Íslandsmetið í 250 metra skeiði.

Snúlla, sem veðrur níræð í haust, ber aldurinn vel og var hrókur alls fagnaðar í hófinu sem haldið var henni til heiðurs í Fáksheimilinu í Víðidal. Ekki leiddist henni að sjá hvítu hryssuna Drífu frá Hafsteinsstöðum taka skeiðssprett á vellinum.

Þessi aldna vinkona mín er mikill kvenskörungur og fáir gætu trúað því að hún væri að verða níræða ef marka má útlit hennar.

Athugasemdir

[Þóra Sigurðardóttir, 10.6.2008 kl. 23:53]

Takk Ransý mín fyrir þennan pistil og mynd. Ég er svo lánsöm að hafa hitt þessa konu. Það eru 48 ár síðan

[Steingerður Steinarsdóttir, 13.6.2008 kl. 14:14]

Flott mynd, falleg kona og glæsilegur hestur. Takk fyrir þetta.