Vestfirðir kalla.

Í dag fer ég vestur. Það er alltaf tilhlökkunarefni að fara á Vestfirðina. Að þessu sinni er tilgangurinn tvíþættur; annars vegar að fræða nemendur Menntaskólans á Ísafirði um umferðarmál og hins vegar að heiðra vini mína, Ólínu og Sigga á fimmtugsafmæli beggja. Í leiðinni tek ég viðtal við fatlaða stúlku vegna fjáröflunarátaks Mænuskaðastofnunar Íslands sem fer fram í næstu viku. Sonardóttir mín, söngkonan Stefanía, mun koma á laugardaginn til þess að syngja í afmælisveislunni. Vonandi verða berin ekki frosin en varla er hægt að fara vestur á þessum árstíma án þess að hafa viðkomu í vestfirskum berjabrekkum.

Athugasemdir

[Ólína Kjerúlf Þorvarðardóttir, 8.9.2008 kl. 13:32]

Hjartans þakkir fyrir komuna til okkar Ragnheiður mín. Þú gladdir okkur sannarlega. Og þá ekki síður hún Stefanía sonardóttir þín með söng sínum. Hún átti hug og hjörtu allra í salnum.

Þetta var ógleymanlegt.