Væntingar um áramót.

 

 

Á hverju ári bind ég vonir við að nýja árið verði betra en það síðasta. Í dag, annan dag ársins, er sú von heitust í brjósti að síðasta ár, þar sem banaslysin voru færri en í  meðalári, sé aðeins upphafið að varanlegri fækkun banaslysa í umferðinni. Reynslan hefur þó sýnt að ef banaslysum fækkar, fjölgar þeim sem eru alvarlega slasaðir; þ.e. stundum er aðeins tilviljun hvoru megin móðunnar miklu fólk lendir.  Sú hefur því miður orðið raunin hvað varðar síðasta ár. Við Íslendingar búum svo vel að eiga þrautþjálfaða og mjög færa lækna og björgunaraðila sem oft tekst að bjarga lífi þeirra sem koma illa slasaðir inn á spítalana eftir umferðarslys. Það þýðir þó ekki að það sé gott líf sem bíður þeirra sem lifðu slysin af - enda eru afleiðingarnar stundum svo skelfilegar að líf þeirra sem lifa slysið af verður hrein martröð; eilíf barátta við að takast á við líkamlega og andlega fötlun.

Nú blasir talan O við á skúlptúrnum á Hellisheiðinni sem segir okkur tölu látinna í umferðarslysum. Öll áramót á ég þá von að sú tala haldist út árið. Guð láti gott á vita.

Athugasemdir

[Steingerður Steinarsdóttir, 2.1.2008 kl. 13:22]

Já, það væri sannarlega óskandi að okkur tækist að minnka þá blóðtöku sem árlega er hér af völdum umferðarinnar. Gleðilegt ár Ragnheiður mín, vonandi verður árið þér og þínum farsælt og gott.

[Guðrún Emilía Guðnadóttir, 2.1.2008 kl. 17:58]

Þú ert svo sannarlega rík kona, eiga 2. stráka og tvíburastelpur,
og svo ert þú líka í áhugaverðri vinnu.
Ég tek undir með þér að við verðum að  vona að slysum fækki.
Það var talað um það síðastliðið sumar, hvort það væri ekki flott að iðka
nokkurskonar bílstjóravakt, að við mundum minna hvort annað á ef að við sæjum
eitthvað ólöglegt eða siðlaust þá mundum við láta heyra í okkur.
Við reyndum þetta nokkrum sinnum, einu sinni fengum við bara fokk merki
framan í okkur, hlægilegt, en sorglegt.
Ég tel samt að þetta geti haft áhrif.

                                 Kveðja Milla.
 

[Guðrún Emilía Guðnadóttir, 2.1.2008 kl. 19:55]

Aðeins að leiðrétta mig, sagði þig eiga tvíburana, en þú ert amma þeirra.
Ég er líka amma tvíburastelpna þær eru 16 ára. og eru í fyrsta bekk í framhaldsskólanum að Laugum S.Þing. þær búa þar mæðgur.